1 Ramzan Sharif 1240 hijri mein Deva Sharif ki zameen par ek Aaftab-E-Faqr tulu hua tha jiski raushni se aaj bhi tamam aqeedatmand faiz paate hai. Aapne poori duniya mein muhabbat ka jo chiragh raushan kiya hai uski misal kahi aur nahi. Sarkar Waris Pak ka daman itna wasee hai ke Musalman, hindu, isai, sikh, parsi, yahan tak ke yahoodi bhi Aap ke daman se wabasta hai. Aapne poori zindagi sirf Ishq-E-Ilahi aur Itteba-E-Rasool (Salallau Alaihi Wasallam) ka dars diya aur logo ko jeene aur marne ka sahi tareeka sikhaya.

Poori zindagi sirf ehram sharif hi zeb tann farmaya aur duniya ka paidal safar kar ke logo ko haq se aagah kiya. Noor-E-Muhammadi ke saanche mein dhale hue Wilayat-E-Isvi aisa roab ke bade bade badshaho ne Aapke aage sar kham kar diya aur qadmo mein sar rakh diya.

Aaj bhi Deva Sharif ki zameen Faqr ke uss bey misal aaftab se raushan hai jiske noor se tamam Zameen-O-Aasman chamakte hai.